國家憲法日周會

《憲法》係國家根本大法，每一個中國人都應該認識《憲法》以及《憲法》所定立嘅國家制度同政治秩序。

為咗促進同學對國家憲政體制嘅認識，馬中早前除咗喺12月4日「國家憲法日」當日舉行升旗儀式並進行「國旗下的講話」之外，更加喺12月6日嘅周會邀請到前立法會議員、港區全國人大代表劉健儀律師嚟到為馬中師生分享有關《憲法》、《基本法》以及「一國兩制」嘅重要原則同概念。

劉健儀律師明確指出，《憲法》係《基本法》嘅母法，而兩者又共同構成「一國兩制」、「港人治港」嘅法理依據同憲制基礎，確保咗香港嘅長期繁榮穩定；香港嘅高度自治權源於中央嘅全面管治權，兩者有機結合、同時並存。在場馬中師生都獲益良多，對國家憲政體制嘅認識都加深咗唔少。